النوميك اب

موضوع: النوميك اب الأربعاء فبراير 08, 2012 10:46 pm

والكل اهني عرفني بمكياجي الناااعم ~ ماعمرها وحده يااتني وقالت مكياجج اووفر او ثقييل ~ بس كم وحده قالولي ولا كانج حاطه شي لوووووول ~ ولاني عندي يقييين انه المكياج النااعم هو الوحييد اللي يبرز جمال البنت ويخبي عيوبها

وتحملووني شووي موضووعي بيكون تفصيييلي وطويييل بس بتستفيدوون منه ان شاءالله

ف البداايه بغيت اوضح لكم شغله ~ واايد بنات فاهمين النوميك اب غللللط ~ وحده تقوول والله مكياجي نو ميك وحطيت ايلاينر وكحل وبلاشر وروووج ~ هذا ماصاار نو ميك اب يوم انج بترسميين عيوونج بايلاينر وبتكحلينها والخ

مكياج الصبح بالذاات ينقسم لنوعيين ~ مكياج نوميك اب + مكياج ناعم << لاحظوا الفررق

النو ميك اب ياحلواات ~ يعتمد عالخدع والاضاءه والتمويييه ~ يعني تبرزين المحاسن وتخفين العيوب بشكل طبيعي يخلي اللي يشوفج يحس انج مب حاطه مكيااج ~

المكياج الناعم اللي هو الشدو الخفيف مع كحل وشوي بلاشر وقلوس وجي وكل وحده وطريقتها ~

وقبل كل شي يا جميلات لاتتضايقون اذا البشره فيها عيووب ~ نادر مايكون فيه بشرره بيرفكت الا اذا صاحبتها حييل تعبانه عليها او ورااثه ~ يعني لو ويهج فيه حبووب او اثاار او هالات طنشي الموضوع ولا تضايقين عمرج والله يخلي المكيااج ~ الحين ماافيه حد تم مايحط مكياج حتى هالاجانب اللي نحن نمدح بشراتهم ليل ونهار بعد يحطوون مكيااج

وهم الحلووة وملكه الجماال بعد ماتستغني عن المكياج ~ لكن بحدووود

يعني لاتحرمين نفسج من المكياج وبنفس الوقت لا تثقلين ~ لاتروحين الدوام او الجامعه وويهج اصفرر ولا انج تترسين ويهج مكيااج ~

الحين ببدا بطريقة النوميك اب الصصح وعن تجربتي وتجارب بنات اليوتيووب وبنات المنتدى ~

وبالتفصيييييل الممممل << تحملوووني

النو ميك اب يعتمد على بشرره صحييه وصااافيه ~ وله طريقتيين

طريقة انج تحطين شي خفييف ع بشرتج يعني كونسيلر وبودره او لوز باودر ~ او كريم اساس وكونسيلر وبودره

وهالطريقه انا ماقولج كل يووم سويها واعتمديها ططوول عمرج ~ لا هذي خليها مره بالاسبوع ومايمنع تزيدين الجيله شوي ك تغيير ~

الحين دوور البشرره ( مرره كل اسبوع سوي هالخطوات ) ~ النتيجه بشرره افتتح وانظف وانععععم على ضمااااانتي

( انا بشرتي جاافه اقووووى شي وفوق هذا كله متجففه لاني مااشرب وايد مااي )

اول شي :

1 - غسلي ويهج بغسول او صابونه ( دااااايما الغسول والصابونه قبل كل شي عشان مايضيع تعبج عالفاضي )

2 - البخااار لو حابه ~

3 - المقشر الطبيعي ~ افضل واقوى مقشر : سكر + زيت زيتون ( بشره جافه او عاديه )
سكر + ليمون ( بشره دهنيه او مختلطه او عاديه )
سكر + طماط او فراوله ( بشره دهنيه ) ~ قصي الطماط او الفراوله
بالنص وغمسيها بالسكر وسوي سكرااب بحركات دائريه

4 - الماسكات ~ ماسكاتي المفضله ~ ( روب + نشا + عسل + برتقال + اي نوع فواكه ) من 15 الين 20 دقيقه

5- ماسك الحليب ~ وقالت عنه قطااوي ~ بس انا ماشفت منه تفتيح ابدا وهي فرق معاها بنفس الوقت ~ تحطين قفشتين حليب بودر ويا حليب فريش وتخلطينهم وعقب تخلينهم على ويهج من 15 الين 20 دقيقه ~

6- ماسك الترطيب ( للبشره الجافه والعاديه ) ~ استخدم ماسك نيفيا واايد حلوو وهم ماسك كلارنس وريحته اتيينن على ياسمين بلدي خبااال ~

7 - غسلي ويهج بمااي وعقب بخي ماي ورد باااااااااااااااارد ع ويهج وخليه ينشف عشان المساماات تتسكر

8 - حطي مرطب الوييه ~ واذا بويهج قشور او واايد بشرتج جافه حطي فازلين على اطراف خشمج وبين الحاجبين وحوالين الفم ~ وحطي رااسج ونااااامي

بتنشيين الصببح بشرتج نظيييييييييفه وناااعمه ولوونها حلوو ~

الحين نبدا بتصفييه البشره ~

مسحي ويهج بتوونر خفييف بس ~ لاتستخدموون صابونه ولا غسوول عشان ماينشف ويهج وكانج ماسويتي شي

1 - حطي كريمج المرطب + الحمايه + البيس

افضضل حمايه جربتها بيوديرما :

ماتتقشر ولا تنشف ولا تدهن وتعطي تفتيح ملحوظ نفس اولاي وبوندس ~

البيس استخدمي اللي انتي محتاجه له ~ سواء بشرتج دهنيه او جافه محمرره او غامجه او فيها مساماات

انا البيس مالي من دي ام جي ام للمساماات ~

الحين خلي بشرتج ترتاح وتنشف وروحي صلي وتريقي ولبسي ~

قبل كل شي بناات ~ اللي مب متحجبه سوي شعرج وسشوريه وعدلي قذلتج لانه هالشي يخليج تحطين مكياج اخخف

2 - ابدي وزعي كريم الاسااس الخفييييييف مجرد يوحد لون ويهج ~

انا استخدم جيرلان

رووعه يا بناااات ~ عمرره ماخيب ظني ولا يتقشرر ولا يتكتل والوانه طبيعيه واايد ~ وتغطيته وسط

3 - كونسيلر حوالين العيين ويكون سااااااااائل ( ركزوا على سائل ) لانه يعطي تفتيح طبييعي ومب لازم تغطينها عدل المهم تخففين منها ~

وافضل طريقه (تحطين الكونسيلر على حدود الهالات وتوزعينه بس لا توصلينه لحد الرموش التحتيه عشان يبين طبيعي)

4 _ الحبوب واثارها لو كاانت حيييييل قوويه وواضحه استخدمي كونسيلر ثقيل ~ بس لو كانت عاديه او وسط حطي طبقه ثانيه من الفاونديشن عليها وطبطبي بصبعج )

5 - بين الفاونديش والبودره سوي الكونتور والاضاءه ~

حددي خشمج ببلاشر او شدو او كونتور برونز ~

البلاشر بنستغني عنه بهاللوك ~ بس لو حابه ويهج يكون مورد شوي نحط بلاشر بنفت

او

ع الخفيييف ونحطه قبل البووودره لااازم عشان يبين طبيعي ~ وممكن نستخدمه للشفايف

تحت الحاجب مابنحط اضااءه ~ بس لو حاابه حطي شدو بيج ماااااااااااااااااااااااااااااااات مافيه نتفه لمعه ~
او كحل ابيض خط وموهييه بصبعج ~ احلى كحل ابيض من مكيااجي ~

6 _ الحين دور البودره او اللوز باودر ~

افضل بوودره استخدمتها وماتوقعتها هالكثر نااعمه وتصفي الوييه وطبيعيييييه ~ ماكس فاكتور الذهبيه

انا استخدم رقم 2 ~ غاامجه علي بس احسن لان البودره كل ماكانت غامجه صففت الويه اكثر ~ ورقم 1 نفس 2 بس ماايله للاصفر اكثثر ~

او بودره ديبورا ~ الصرااحه وااايد حلووة نفس ماكس فاكتور وعندهم درجاات فااتحه

انا خذت رقم 1 وايد طبيعي ومب ابيض فلااش ~

ولاننسى نحط البودره بفرشااااه عشان يبين طبييعي ~

او لوز باودر ~ انا استخدم من مااك حلووة وبشكل عام اللوز باودر دايما حلووة بس اخذي درجه حلووة

لوز باودر لانكووم يمدحوونه ~ ولاحظت انه التركيات يستخدموونه بالمسلسلات

فور ايفر حلوو بعد

7 - الحين نرووح للشفاايف ~ والعيون اخررر شي نخليه وبقولكم لييش

الشفاايف بنخليها بالوان طبيعيه ~ وبستخدم ارواج مااااااااات

ريميل حلوة اروااجهم ~

وبنحطها بالطبطبه على الشفاايف ~ ناخذ بصبعنا وانطبطب مجرد نخلي الشفايف تكتسب لون حلوو وكل وحده ولون شفاايفها ~ انا احط عناابي توتي من ريميل بالطبطبه يعطي لون خفييييف وحلوو

8 - الخدوود يفضل انها تكوون مااات ومانحط شي عليها ~ لانها تاخذ مساحه من الويه وكل ماكانت صافيه ولوونها موحد يخلي الويه صافي اكثرر ~ بس اذا ويهج صغيروون نفسي بنحط اضاءه ناااعمه كريميه او بودر

عندج اضاءات بنفت ~ حطيها اذا ويهج مب ناشف من البدره لانها تخترب ~ اذا كنتي تحطين كريم اساس بس بتنفعج او اذا ماتكثرين من البودره ~

الثانيه طبيعيه اكثر واحلى انا عندي منها ~ اما الورديه ماجربتها بس احسها شوي اوفر
ونحط نقط خفييف ونطبطب ~

9 - الحين دور الحوااجب ~ انا مااااحب الحواجب المرسوومه بتاتوو ابدا ابداا ~ بالمكياج تطلع حلوة بس بدون المكياج كلش مو حلووة ~ ف بليييييز حبايبي نرسمها بشادو ~ ولاتقولين حواجبج خفيييف ترى الشادو احلى ويخليها طبيعيه وفيه شادوات الوانها وااضحه نفس مااك ~

هذا شدو حواجب من بدي شوب وانتو تمدحوونه ~ وعقب بمشط نرتب الحواجب وبتصير طبيعييه

انا استخدم شدو اسووود من مكياجي اعبي الكسره بس لانه الشعر اهني اخف ~

10 - الحين العيوون ~ ننسى شي اسمه شاادو لا نيود ولا غييره ~ بس لو خايفه يسيح الكونسيلر حطي لون بييج او بني فااااااااااااااتح ~

بعلمكم كيف نخلي العين واسعه ومرتااحه وحلووة وكلها خددع ~

ناخذ كحل اسود ووتر برووف ( ضد المااي ) ~

ونكحل العيون من داخل بس عالجفن اللي فووق ~ نفس هالصوورة :

هالطريقه تعطي كثافه للرموش ~ واذا لابسه عدسات تخلي العين مكحللله بليز لاتنسون هالخطوه لانها اهي اللي تحلي العيوون ~

افضل كحل ووتر بروف من مكيااجي ~

11 - داخل العين بنحط كحل ابييض وبنسويله تمويييه ~ هالطريقه تنور العين من داخل بشكل طبييعي ولا كانج حاطه شي ~ خطي الكحل الابييض وبالاسفنجه اللي وراه مشي علييه ~

افضل كحل ابيض جربته من مكيااجي ~

12 - دور الماسكرا ~ اول شي لو حابه سوي كيرل لرموشج ~ لو حابه حطي ماسكرا بشكل خفيييف وطبيعي

بس لو حابه تبرزين رمووش ~ خذي او شي ماسكرا تكثف ومسكري رموشج مره مرتيين ولات كثرين عشان ماتتكتل

عقب خذي ماسكرا اتطوول الرموش وركزي على اطراف الرمووش وبالذات اخرر العيين ~

احسن ماسكرا اتطوول وتفررررق ومستحيل اتكتل واذا تكتلت تعاالي ضربييني والله كثر ماتمشطيين مستحيل تلزق رمشتين ببعض ( جيفنشي اي فلاااي ) :

واحسن ماسكرا اتطووووووول من مكيااجي :

وماسكرا ماكس فاكتور بعد حلووة تعطي العيون ستاايل ~ يعني تخلي الرموش مثل القروباات كل كم رمشه لازقه ببعض
واتطوووول بس انا احب احطها اذا مابحط شي على عيوني ~ اما لو بحط كحل وايلاينر وجي مااحطها

واخررر شي هاتي ماسكرا ناااشفه ومسكري رموشج عقب ماتنشف عشان تفرقهم

والرموش التحتييه لو حاسه انه عيونج يبيلها تحديد كثفي الماسكرا على نهايه العيين ~ واذا عيوني عاديه مايبيلها شي مجررد ضربات بسيطه على الرموش ~

العدساات ~ مسمووح تلبسين عدسه بسس تكون طبيعيه لون وشكل ~ يعني اللون العسلي او البني او الاخضر الغامج

وممنوع الازرق والرماادي والعدسات العجيبه الغريبه مالت الزري ونونو واللي فاقعه ولونها برتقالي ومادري شوو بليييز يعني

ويففضل عدسات افتح من لون عيونج بشوي وبس تعطي عيون لممعه ~

افضل العدساات : تراي كلر اللون العسلي والاخضر الغامج

انقر على هذا الشريط لمشاهدة الصوره بحجمها الطبيعي.

قطااوي فديتج سامحيني جفت الصورة بقوقل وبقتها ( بوق اللي تعررفه احسن من الي ماتعرفه لووول )

عندج ادوور هم حلووة يمدحونها ~

انقر هنا لمشاهدة الصوره بحجمها الطبيعي. الحجم الاصلي لهذه الصوره هو 651x588 364kb

اتوقع هذي صورها ~

وعدسات فريش لوك هم طبيعييه

وبس خلصنا ~~

ادري خطواتي معقققده وتفصيليه ~ اللي تحسين انه مايلزمج خليه وسوي اللي يناسبج ~

بس ترى هالخطواات تخلي ويهج طبيعي وفريش وموووورد بس كانج مب حااطه شي على ويهج عرفتوا ؟؟

كانج مب حااطه ولا نتفه اللهم عدسه لو حابه وماسكرا وبسسس ~

وهالطريقه حلوة للصبح وللي دوامها كله رياييل بس ماتروم تطلع بدون مكيااج ~

وحلو تخففين من المكياااج بين فتره وفتره عشان اللي وياج مايقولون هذي ماتعيش من غير مكيااج لووول

اييه صح بقولكم ليش خليت العيون اخرررر شي ~ طبعا اول شي الشعرر وعقب البشره وعقب الشفايف والخدود وتالي العيون لانه هالطريقه تخليج تخففين من مكياج العيوون قد ماتقدريييين لانه لو بديتي فيها بتحطين كحل وايلاينر وشادووز